Turmush — Чүйдөн келген жүгөрү Таластыкынан 10 сомго арзан сатылууда. Аймактык кабарчы жем базардагы сатуучулардан анын себебин сураштырды.

«Учурда Таластын жүгөрүсүнүн 1 кг 30 сомдон сатылып жатат. Ал эми Чүйдөн келген жүгөрүнүн 1 кг 20 сом. Экөөнүн айырмасы Таластын жүгөрүсү баардык азыкка жарайт, аны майдалап дан азыктарга колдоно берилет. Ал эми, Чүйдөн келген жүгөрү малдын тоютуна гана жарайт. Ошол себептен 10 сом айрыма бар.

Буудай тоюттун 1 кг 20-21 сом. Былтыр ушул маалда 17-18 сом болгон. Үрөнгө деген буудайдын 1 кг 40 сом болуп жатат. Арпанын 1 кг 19 сом, былтыр арпа 15 сомдон болгон», — деди сатуучулар.