Turmush — Бүгүн, 14-апрелде Чүй облусунун Москва районунда доллардын баасы 83, рубль 0,95 сомду түзүп, кардарлар кескин түрдө азайды.

Аймактык кабарчынын айтымында, акча алмаштыруучу жайлар жана банктар райондун борбору Беловодск айылында жайгашкан. Анда апрель айынын алгачкы күндөрүндө доллардын баасы төмөндөп, рубль 1,00 сомго көтөрүлүп, кардарлардын кезеги арбын болгон эле. Эми бүгүн доллар сатып алуу 83,0, сатуу 84,0 сом жана рубль сатып алуу 0,95, сатуу 1,050 сомго түшүп кетти. Мындай жагдайдан улам акча алмаштыруучу жайларда жана банктарда мурдагыдай кезек күткөн кардарлар деле жок.