Turmush — Ысык-Көл облусунун Каракол шаарындагы тактай тилүүчү жайлардын биринен мыйзамсыз кыйылган 16 карагай табылды. Бул тууралуу Каракол токой чарбасынан билдиришти.

Маалыматка караганда, 20-мартта токой чарба кызматкерлери ОИИБдин туристтик-экологиялык милициясы менен бирдикте рейд жүргүздү. Анын жүрүшүндө Каракол шаарынын Б.Т. аттуу тургуну Жергез токойчулугунда жашаган жарандан 16 кызыл карагайды сатып алганын айткан. Учурда иш Ак-Суу райондук ички иштер бөлүмүнүн тергөө кызматына өткөрүлүп берилди.