Turmush — Кадамжай районунун Чаувай айыл аймагынын ички 700 метр жолуна асфальт төшөлөт, деп билдирет аймактык кабарчы.

Асфальт төшөөгө жалпысынан 5 млн сом каралып, республикалык бюджеттен каржыланган.

Кадамжай райондук №46 жол тейлөө ишканасынын башчысы Шавкатбек Матисаевдин айтымында, аба ырайы жакшы болсо, асфальттоо иштери башталат.

«Учурда Чаувай айыл өкмөтүнүн ички 700 метр жолу асфальт басууга даяр. Жамгыр жаабай турса, өзүбүздүн ишкананын кызматкерлери асфальтташат», — деди ал.