Turmush — Кадамжай районунда кичи футбол боюнча жаштар арасында уюштурулган спорттук мелдеш аягына чыкты, деп билдирди аймактык кабарчы.

«Кадамжай-Металлург» командасынын башкы машыктыруучусу Шералы Бекмуратовдун айтымында, мелдешке Кадамжай району боюнча жалпысынан 12 команда катышкан.

«Мелдеш ушул жылдын 10-январында башталган. 1 жумада 2 оюн болуп, командалар эки айлампа ойношту. Чемпионатта ар бир команда бири-бири менен 2 жолу беттешүүгө туура келди. Спорттук иш-чараны өткөрүү максаты — жаштардын спортко болгон кызыгуусун арттыруу, дени сак жашоого үндөө. Буюрса, келерки сезондо жогорку лига кылып, облустук деңгээлде мелдеш өткөрөбүз», — дейт ал.

— «Кадамжай-Металлург» командасы — 1-орун;

— «Султан Хаус—Үч-Коргон» командасы — 2-орун;

— «Халмион» командасы — 3-орун;

Олжолуу орунга ээ болгондорго кубок, медаль жана грамоталар берилген. Мындан сырткары мыкты оюн көрсөткөн футболчулар да атайын номинациялар менен сыйланышкан.