Turmush — Ысык-Көл облусунун Чолпон-Ата шаарында калкты тейлөө борборунун курулушу башталып, бүгүн, 20-сентябрда пайдубалына капсула салуу иш-чарасы өттү. Бул тууралуу аймактык кабарчы билдирди.

Маалыматка караганда, иш-чарага облус башчысы Алтынбек Сулайманов, Ысык-Көл районунун акими Калыбек Жумадылов баштаган мекеме-ишканалардын жетекчилери катышышты.

Бүгүнкү күнгө чейин тургундар документтештирүү иштерин, шаардын ар кайсы жерлеринде жайгашкан мекемелерден бүтүрүп келишет.

Жергиликтүү бийликтин өкүлдөрү элге тейлөө көрсөтүүнү жакшыртуу максатында президенттин Ысык-Көл облусундагы өкүлчүлүгүнө долбоор сунуштап, колдоо тапкан. 3 ай аралыгында бүткөрүлүүчү калкты тейлөө борборунун имараттын курууга 13 млн 400 миң сарпталат.