Turmush — 30-июль күнү Кемин районунда сел агызып кеткен унаа изделип жатат. Бул тууралуу бүгүн, 1-августта ӨКМден кабарлашты.

Маалыматка караганда, Бишкек–Нарын–Торугарт унаа жолунун болжол менен 135-чакырымында (Боом капчыгайы) «Тойота Сиенна» үлгүсүндөгү унааны сел Чу дарыясына агызып кеткен.

Алдын ала маалыматка караганда, аккан селдин көлөмү 20-22 миң куб метрге чейин жеткен. Кырсык учурунда 1960-жылы туулган К.А. аттуу эркек адам менен 2012-жылы туулган Л.Е. аттуу адам жеңил жаракат алган.