Turmush — Бишкек шаарынан унаа уурдап кеткен жаран кармалды. Бул тууралуу аймактык кабарчыга Чүй облустук ЖКККББнын басма сөз кызматы билдирди.

Маалыматка караганда, 7-март күнү болжол менен саат 21:30 чамасында Бишкек шаарындагы үйлөрдүн биринде токтоп турган «Ауди А4» үлгүсүндөгү унааны белгисиз адам уурдап качып кетти деген маалымат келип түшкөн. Иликтөө иштери башталып, Бишкек–Нарын–Торугарт айланма жолунун 31-чакырымынан аталган унаа токтотулган. Бирок айдоочу жол сакчыларына баш ийбей качкан. Кызматкерлер артынан кууп, кылмышка шектелген, 2002-жылы туулган Ш.Г. аттуу айдоочу кармалды. Аны тергөө амалдарын жүргүзүү үчүн Ысык-Ата РИИБге өткөрүп беришти», — деп айтылат маалыматта.