Turmush — Бакай-Ата районунун Кең-Арал айыл аймагындагы А.Арыстанов атындагы орто мектептин имараты капиталдык оңдоодон өткөрүлөт. Бул тууралуу аталган айыл аймактан кабарлашты.

Маалыматка караганда, мектеп 1977-жылы негизделгенден бери капиталдык оңдоо иштери жүргүзүлгөн эмес. Алгач октябрь айында жергиликтүү уюмдардын бири менен мектептин ажатканасы жаңыланып салынып жатат. Ал эми жалпы капиталдык оңдоодон өткөрүү үчүн республикалык бюджеттен 61 млн сом каражат бөлүнүп жатат.