Turmush — Нарын облусунун Ат-Башы районундагы окуучулар жана бала бакчалардын тарбиялануучулар куштар үчүн уя жасашты.

Иш-чара президент Садыр Жапаровдун «Жашыл мурас» улуттук кампаниясынын алкагында Ат-Башы районундагы билим берүү мекемелеринде «Келгин куштарга уя даяр» аттуу ураандын алкагында райондогу 21 мектеп окуучулары жана 22 бала бакчанын тарбиялануучуларын эмгекке тарбиялоо, келгин куштарга кам көрүү, айлана-чөйрөнү жашылдандыруу, токойлорду сактоо максатында уюштурулду.

Иш-чара окуучулардын жазгы эс алуу убагында ата-энелери менен биргеликте бош убактыларын максаттуу пайдалануусу үчүн багытталды. Анын жүрүшүндө 370 уя окуучулар жана билим берүү кызматкерлери тарабынан даярдалып, бактарга илинди.

Мындай иштер улантылат.