Turmush — Ысык-Көл облусунун Тоң районунун Кара-Талаа айылында төрөлгөн 3 эмдин атасы Каныбек Абдылдаевге унаа белекке берилди. Бул тууралуу аймактык кабарчы билдирди.

Белекке берилген «ВАЗ 2107» («Жигули») үлгүсүндөгү унаа дмөөрчүлөр тарабынан алынды.

Буга чейин Turmush басылмасы 28-июнь күнү Тоң районунда 3 эм жарыкка келгендигин жазган. Алардын бири кыз болсо, калгандары эркек балдар. Уулдары 1, 950 кг салмакта төрөлсө, кызы 1,850 кг салмак менен төрөлгөн.

«Буга чейин эгиз деп жүрчүбүз. 3 эм экенин төрөгөндөн кийин билдик. Мен аябай шок болдум. Саат 15:30 чамасында көз жарды. Буга чейин 2 уулубуз бар болчу», — деген ымыркайлардын атасы.

Каныбек Абдылдаев 1980-жылы Кара-Талаа айылында туулган. Ал эми жубайы Айбарчын Бегалиева 1986-жылы туулган.

Аларга Саламат, Салават, Салтанат деген ысымдар ыйгарылды.