Turmush — Бүгүн, 6-ноябрда Ош облусунун Ноокат районуна караштуу Н.Исанов айыл аймагында Тарых жана ата-бабаларды эскерүү күнүнө карата иш-чара өттү.

Маалым болгондой, Улуу Ата Мекендик согушта курман болгондордун жаркын элесине арналып №8 гвардиялык мотоаткычтар дивизиясынын командири, полковник Алмазбек Абдибаитов демилгеси менен айыл аймактагы эскерүү аянтчасына «ПТ-76» үлгүсүндөгү аскердик күжүрмөн техника, гүл чамбарлар коюлуп, курман болгондор үчүн куран окулду.

Иш-чарага жергиликтүү бийлик өкүлдөрү, №01003 аскер бөлүгүнүн өздүк курамы жана Исанов айылынын жашоочулары катышты.

Алмазбек Абдибаитовдун айтымында, иш-чара тарыхты, ата-бабалардын эрдигин унутта калтырбоо үчүн уюштурулду.