Turmush — Талас шаарындагы мектептерде жана бала бакчаларда электрондук каттоо боюнча рейд жүргүзүлдү. Бул тууралуу мэриянын басма сөз кызматы билдирди.

Маалыматка караганда, жыйынтыгында Талас шаарындагы жалпы 9 мектепте 2022-2023-жаны окуу жылына карата балдарды 1-класска автоматташтырылган маалыматтык система аркылуу кабыл алуу боюнча аткарылып жаткан иштер төмөндөгүдөй экени тастыкталды.

Электрондук каттоонун 1-этабы 11-апрелде башталып, 27-июнга чейин болду. Камалбек Дарданов атындагы мектеп гимназиясы 1-этапта эле толуп, кошумча квота суралган. 25 орунга кошумча квота берилген. 1-этапта ар бир ата-эне өзүнүн территориясындагы мектепке гана каттала алат. 2-этапта микроучасток деген болбой, ата эне каалаган бош орун бар мектепке каттала алат. Алсак №2 жана №3 мектептерде 2-этап башталганда, тагыраагы 27-июнда жарым сааттын ичинде бош орундар толуп калды. Бүгүнкү күндө Талас шаарындагы орус тилдүү мектептерде жана №5 орто мектепте жеңилдиксиз орундар жок. Калган 5 мектепте бош орундар бар.