Turmush — Акыркы 3 ай ичинде Ош облусунун аймагында жол кыймылынын эрежелерин бузган 23 миң 364 айдоочуга карата Укук бузуулар кодекси боюнча протокол түзүлдү. Бул тууралуу облустук жол кыймылынын коопсуздугун камсыздоо бөлүмүнөн билдиришти.

Алардын ичинен:

— спирт ичимдигин ичип алып унаа башкарган 398 айдоочу;

— автоунаанын алдыңкы айнегин караңгылатып алган 79 айдоочу;

— жол белгилеринин талаптарын аткарбаган 11685 айдоочу;

— ылдамдык эрежелерин бузган 390 айдоочу;

— унаасын техникалык кароодон өткөрбөгөн 193 айдоочу аныкталды.

Ошондой эле 460 автоунаа айып короого киргизилди. Мындан тышкары 3 айда 719 жөө жүргүнчү жол эрежесин бузган.