Turmush — Чүй облусунун Кемин районуна караштуу Орловка шаарындагы чоң эки дарак көп кабаттуу үйдүн түбүнө кулап түштү.

Жергиликтүү тургундар эч кимге зыян бербей, коопсуз жерге кулап түшкөн дарактарга таң калышууда.

Ал эми Орловка шаарынын мэриясы болуп өткөн катуу шамалда дарактар кулаганын, эч ким жабыркабаганын билдирди.

«Эки дарак тротуардын жээгинде болчу. Алар асфальттын четин талкалады. Дагы 3-4 дарак кулады. Эч ким жабыркаган жок. Жаан бүтсө, тазалап алабыз», — деп айтылат маалыматта.