Turmush — Нарын облусунун аймагындагы коомдук унаалардын техникалык абалы текшерилди. Бул тууралуу Нарын ОИИБ боюнча ЖКККБнын басма сөз кызматы билдирди.

Нарын ОИИБ боюнча жол кыймылынын коопсуздугун камсыздоо бөлүмү тарабынан 2023-жылдын 23-майынан 31-майына чейин өткөрүлгөн атайын иш-чаранын алкагында Нарын облусунун шаар, райондук автобекеттериндеги жүргүнчү ташуучу кичи автобустар жана такси кызматындагы автоунаалардын айдоочуларына жол транспорт кырсыктарын алдын алуу максатында рейддик иш-чара өткөрүлдү. Бул иш-чарага нарколог, механиктер катышты.

Анда автоунаалардын техникалык абалына тыкыр көзөмөл жүргүзүлүп, жол кыймылынын эрежелерин туура жана так сактоосу боюнча эскертүүлөр берилди.