Turmush — «Нарын бренд» комитетинин үчүнчү отуруму өтүп, Нарын облусунда өндүрүлгөн 10 азыкка аталган бренддин соода маркасы ыйгарылды. Бул тууралуу аймактык кабарчы билдирди.

Маалыматка караганда, Нарында өндүрүлгөн сүзмө, талкан, сары май, муги (арпа) чай, өрмөк кармагыч, Таш-Рабат печеньеси, бал, малдын (койдун, уйдун, жылкынын, топоздун) майы, жыпар жыттуу ромашка, тимьян, жалбыздын майы жана чучук коюлду. Комитет мүчөлөрү азыктардан жасалганы, жыты, даамы, этикеткасы, таңгакталганы, дизайны, маркировкасы жана башка критерийлер менен баалашты. Комитет мүчөлөрүнүн чечими менен «Нарын бренди» сынга коюлган 10 азыкка берилди.