Turmush — Бүгүн, 10-ноябрь күнү Каракол шаарында электр жарыгы үзгүлтүккө учурап, анын кесепетинен Абдрахманов №121 дарегинде жайгашкан облустук үй-бүлөлүк дарыгерлер борборунда лифтте мекеменин чарба кызматкери камалып калды. Бул тууралуу аймактык кабарчы билдирди.

Аталган борбордун маалыматына ылайык, электр жарыгы бүгүн экинчи жолу эскертүүсүз өчүрүлгөн. Тазалыкты көзөмөлдөгөн чарба кызматкери 2-3-кабаттардын ортосунда токтогон лифтте калган.

Мекеме тийиштүү тармактарга кайрылып, 10 мүнөткө жакын убакытта электр жарыгы күйгөн. Саат 16:25 чамасында лифт иштеген. Учурда чарба кызматкеринин абалы жакшы.