Turmush — Чүйдө бир жылдан ичинде жашы жете электердин суициди боюнча 16 факт катталган. Бул тууралуу облустук коллегиялык отурумда белгилүү болду.

7-февралда Чүй облусунун 2022-жылдагы социалдык-экономикалык өнүгүүсүнүн жыйынтыктары боюнча облустук коллегиялык отуруму болуп өттү. Ага КРдин президентинин жана Министрлер кабинетинин чечимдерин даярдоо боюнча башкармалыгынын жетекчиси Айбек Жунушалиев катышты.

Президенттин Чүй облусундагы ыйгарым укуктуу өкүлүнүн орун басары Гүлмира Кыштообаеванын берген маалымат боюнча, 2022-жылы жашы жете элек өспүрүмдөрдүн өз жанын кыюу боюнча 16 факт катталган. Ошондой эле, Чүй облусу боюнча 1 жашка чейинки 220 бала чарчап калган.