Turmush — Ысык-Ата районуна караштуу Кант шаарында энелер күнүнө карата облустук деңгээлде иш-чара болуп өттү, деп билдирди аймактык кабарчы.

Иш-чарага президенттин Чүй облусундагы ыйгарым укуктуу өкүлү Нурил Алымбаев, жергиликтүү бийликтин өкүлдөрү, мекеме-ишканалардын кызматкерлери жана конокко чакырылган энелер катышты. Анда өрнөктүү эмгек жараткан энелерге «Кеменгер» төш белгиси, Чүй облустук мамлекеттик администрациясынын ардак грамоталары тапшырылды.

Иш-чара Чүй облусунун маданият кызматкерлеринин концерттик программасы менен коштолду.

«Кеменгер» төш белгисин алган энелер:

— Чүй районунун В.Ф.Марков атындагы №1 орто мектебинин орус тил мугалими Касымжапарова Айнура Сарыбаевна;

— Сокулук районунун Кызыл-Туу айыл аймагындагы №20 китепканасынын башчысы Егимбаева Чолпон Жапаровна;

— Жайыл райондук мамлекеттик администрациясынын мамлекеттик тил боюнча башкы адиси Токоманова Гүлайым Байбосуновна;

— Ысык-Ата райондук эмгек жана социалдык өнүктүрүү башкармалыгынын жетекчисинин орун басары Райкеева Арина Асанбековна;

— Москва райондук маданият бөлүмүнүн башчысы Молдокулова Жамал Сабыровна;

— Ысык-Ата районунун Сары-Жон айылынын тургуну Минбаева Сайна Исаевна.