Turmush — Баткен шаарынын борбордук стадионунда 23-февраль — Ата Мекенди коргоочулардын күнүнө арналган майрамдык иш-чара өттү.

Иш-чарага президенттин Баткен облусундагы ыйгарым укуктуу өкүлү Абдикарим Алимбаев, тиешелүү жетекчилер жана жашоочулар катышты. Өкүл бул майрам башка аймактардан айырмаланып, жалпы элдик майрам экенин, анткени мырзалар эле эмес, айымдар да мекенди коргоодо өзгөчө эркке ээ экенин белгиледи.

Майрамдык салтанаттын жүрүшүндө алгач аскер кызматкерлеринин салтанаттуу жүрүшү, машыгуу ыкмалары көрсөтүлдү. Борбордон келген ырчылар концерттик программа тартуулады.