Turmush — Бүгүн, 22-февралда Чүй, Ош, Жалал-Абад, Ысык-Көл облустарынын тоолуу райондорунда бир аз кар жаашы мүмкүн. Бул тууралуу ӨКМден кабарлашты.

Маалыматка караганда, Чүй, Ош, Жалал-Абад, Ысык-Көл облустарынын дыйканчылык аймактарында жана калган аймактарда жаан-чачын күтүлбөйт. Түнкүсүн жана эртең менен туман түшүшү ыктымал. Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрге чейин жетиши мүмкүн.

22-февралда түзүлгөн метеорологиялык кырдаалга байланыштуу Кыргызстандын тоолуу райондорунда, Мырза-Аке—Кара-Кулжа—Алайкуу унаа жолунун 55-115-чакырымдарында, Бишкек—Нарын—Торугарт унаа жолунун 292-305- чакырымдарында (Долон ашуусу), 353-357-чакырымдарында (Кызыл-Бел ашуусу), Казарман—Ак-Тал—Чат унаа жолунун 42-44, 60-94-чакырымдарында (Кара-Гоо ашуусу, Ийри-Суу тилкеси), Каракол—Эңилчек унаа жолунун 45-90-чакырымдарында (Чоң-Ашуу ашуусу), Барскоон—Ак-Шыйрак унаа жолунун 52-68-чакырымдарында (Сөөк ашуусу) кар көчкү түшүүcү мүмкүн. Жолдор тайгак болуп муз тоңот.