Turmush — Жети-Өгүздө жаңы кыш заводун куруу пландалууда. Бул тууралуу Turmush басылмасынын аймактык кабарчысына Жети-Өгүз районунун Ак-Дөбө айыл өкмөтүнүн башчысы Майрамбек Аалиев маалымдады.

Анын айтымында, бул айылда эки кыш чыгаруучу ишкана бар.

«Жергиликтүү эл ыш болуп, экологияга зыян болуп жатат деген маселелер айылдык жыйындарда көтөрүлгөн. Жергиликтүү кеңештин депутаттары Чүй жергесине барып, кыш чыгара турган заводдун ишмердүүлүгү туурасында жеринде таанышып келгенбиз. Эми буюрса биздин айыл аймакта кыш чыгаруучу ишкана курулат», — деди ал.