Turmush — Бүгүн, 24-февраль күнү Жети-Өгүз районунун Кызыл-Суу айылында Ооган согушунун катышуучуларына жана каза тапкан жоокерлердин жакындарына акчалай жардам көрсөтүлдү. Бул тууралуу аймактык кабарчы билдирди.

Маалыматка караганда, президенттин Ысык-Көл облусундагы өкүлчүлүгү тарабынан Ооган согушунда каза болгон жоокерлердин үй-бүлөлөрүнө жана ардагерлерге 2 миң сомдон акчалай жардам берилди.

Ардагерлерди райондук мамлекеттик администрациясынын башчысынын биринчи орун басары, райондук ардагерлер кеңешинин төрагасы куттуктап, алардын эрдиги кийинки муунга өрнөк болорун белгилешти.