Turmush — Ош шаардык ички иштер башкармалыгынын Сулайман-Тоо милиция бөлүмүнүн кызматкерлери тарабынан түнкү убактарда кароосуз калган унаалардын эшик-терезелерин бузуп, салондун ичиндеги буюмдарды, акчаларды уурдап жүргөн жаран кармалды. Бул тууралуу Ош шаардык ички иштер башкармалыгынын басма сөз катчысы билдирди.

Малыматка караганда, кармалган жаран Жалал-Абад шаарынын 1979-жылы туулган тургуну Б.К. бир нече жолу түрдүү кылмыштар үчүн соттолгон.

Шектүү Жалал-Абад шаарынан Ош шаарына келип, уурулук жасап, кайра изин жашырып качып кетип турган. Бүгүнкү күндө шектүү 9 ирет автоунааларга уурулук жасаганы аныкталды.

Учурда тергөө иштери улантылууда.