Turmush — Ысык-Көл облусунун Каракол шаарындагы «Ак-Тилек» базарындагы шарттын жоктугу тургундарды нааразы кылууда, деп билдирет аймактык кабарчы.

Жергиликтүү тургундардын айтымында, базардын ичинде топтолгон кар эрип, адамдар басчу жолдор тоңуп калган.

«Жерге муз тоңуп, үстү тарабынан суу тамчылайт. Жылгаяк тээп, жыгылып жүрүп, соода кылып кетип жатабыз. Анысы аз келгенсип музду чагып салышыптыр, баса албайсың. Ушул жерде иштеп жаткандар деле муз үстүндө турушат. Ижара акысын төлөгөн соң, жетекчиликтен талап кылышпайбы?» — дешет шаар тургундары.