Turmush — Лейлек районунда аялына зомбулук көрсөтүүгө шектелген адам кармалды. Бул тууралуу Баткен ОИИБдин басма сөз кызматы кабарлады.

Маалыматка караганда, Лейлек районун Ак-Арык айылынын 31жаштагы тургуну (келин) милицияга кайрылып, 34 жаштагы С. аттуу күйөөсү спирт ичимдигин ичип, мас абалда уруп-тепкилеп зомбулук көрсөткөнүн билдирип арыз жазган. Бул арыз Лейлек РИИБде Кылмыш-жаза кодексинин 138-беренеси (уруп-сабап кыйноо) менен катталып, сотко чейинки өндүрүш иши башталды. Жабырланган аялга коргоо ордери берилип, тиешелүү экспертизалар дайындалып, ага зомбулук көрсөткөн жолдошу убактылуу кармоо жайына киргизилди.

Учурда тергөө иштери жүрүп жатат.