Turmush — Шакиров Орозбек Мухтаридинович Баткен облусунун Кадамжай районундагы Үч-Коргон айыл өкмөтүнүн башчысы болуп дайындалды.

Маалым болгондой, тиешелүү буйрукка Кадамжай районунун мамлекеттик администрация башчысы — аким Болоткан Баяке уулу кол койду. Аким жаңы айыл өкмөт башчыны эмгек жамаатка тааныштырды.

Президенттин 2023-жылдын 29-декабрындагы «Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө» жарлыгынын жана Министрлер кабинетинин 2024-жылдын 7-февралындагы «Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү өз алдынча башкаруусунун аткаруу органдарынын ишин уюштуруу жөнүндө» токтомуна ылайык, Кадамжай районунда административдик аймактык реформанын алкагында Үч-Коргон жана Чаувай айыл аймактары бириктирилип, Үч-Коргон айыл аймагы болуп аталды.

Буга чейин Бактыгүл Карабаева Үч-Коргон айыл өкмөтүнүн башчысынын милдетин аткаруучу болуп иштеп жаткан.