Turmush — Нарын районунун акиминин орун басары болуп Эльвира Жанболотова дайындалды. Маалыматты президенттин Нарын облусундагы ыйгарым укуктуу өкүлүнүн басма сөз кызматы тастыктады.

Министрлер Кабинетинин 2024-жылдын 5-февралындагы №61 тескемесине ылайык, Нарын районунда буга чейин социалдык маселелер боюнча акимдин орун басары кызматында иштеп келген Орозказиева Анара Жээнбековна ээлеген кызмат ордунан бошотулду. Анын ордуна Министрлер Кабинетинин 2024-жылдын 13-февралындагы №76 тескемесинин негизинде Нарын райондук мамлекеттик администрациясынын башчысынын орун басары болуп Жанболотова Эльвира Бегалиевна дайындалды.

Жанболотва Эльвира Бегалиевна 1978-жылдын 3-январында Нарын районуна караштуу Миң-Булак айылында туулган. Үй-бүлөлүү, 3 баланын энеси.

Билими:

— 1984-1994-жылдары Миң-Булак айылындагы А.Тыныбеков атындагы орто мектебинде окуган;

— 1994-1999-жылы Балыкчы шаарындагы укук жана менеджмент институтун экономист адистиги боюнча билим алган;

— 1999-2003-жылдары Жусуп Баласагын атындагы улуттук университетинин финансы кредит адистиги боюнча окуган.

Эмгек жолу:

— 2001-2009-жылдары Нарын облустук жөлөк пул чектөө жана төлөө борборунда адис, башкы адис;

— 2012-жылдан тарта бүгүнкү күнгө чейин президенттин Нарын облусундагы ыйгарым укуктуу өкүлүнүн аппаратында социалдык өнүктүрүү бөлүмүндө жетектөөчү адис, башкы адис жана аталган бөлүмдүн башчысы болуп иштеп келген.