Turmush — Чүйдө ЖКККБнын кызматкерлери жөө жүргүнчүнү сүзүп, андан соң качып кеткен айдоочуну колго түшүрдү. Бул тууралуу аймактык кабарчыга Чүй ОИИББ боюнча ЖКККБнын басма сөз кызматы билдирди.

Маалым болгондой, 2024-жылдын 6-февралында саат 06:00 чамасында Бишкек—«Манас» эл аралык аэропорту унаа жолунун 14-чакырымында белгисиз айдоочу белгисиз автоунаа менен 1990-жылы туулган Д.А. аттуу жөө жүргүнчүнү сүзүп, окуя болгон жерден белгисиз тарапка качып кеткен.

Чүй облусунун аймагында 14-15-март күндөрү «Автоиздөө» аттуу рейддик иш-чара жүрүп жаткан учурда Сокулук РИИБ боюнча ЖКККБнын кызматкерлери тарабынан жол кырсыгына шектүү делген 1990-жылы туулган Т.у Д. аттуу жаран кармалып, Сокулук РИИБдин тергөө кызматына өткөрүлүп берилген.

«Мерседес-Бенц Спринтер» үлгүсүндөгү унаасы айып короого токтотулду.

Азыркы учурда териштирүү иштери жүргүзүлүүдө.