Turmush — Баткен шаарында жергиликтүү дүкөндөрдө санитардык текшерүү иштери жүргүзүлдү.

Баткен райондор аралык оорулардын алдын алуу жана мамлекеттик санитардык-эпидемиологиялык көзөмөлдөө борборунун кызматкерлери текчелерден мөөнөтү өтүп кеткен сүт азыктарын, торт, консерва, булочкаларды табышкан. Алар сатуудан алынып салынды.

Ошондой эле тамак-аш сакталган айрым кампаларда белгиленген нормалардын бузулушу аныкталып, сатуучуларга түшүндүрүү иштери жүргүзүлдү.

Рейддин максаты — тамак-аштан уулануунун алдын алуу жана соодагерлердин жоопкерчилигин жогорулатуу.