Turmush — Бүгүн, 19-июлда Чүй облусунун Ысык-Ата районунда «ЭлДан Аталык» ЖЧКга тиешелүү 20 гектар эгин талаанын 10 гектары күйүп кетти. Бул тууралуу ӨКМдин басма сөз кызматы билдирди.

Маалыматка ыйык, бул билдирүү саат 18:16да келип түшкөн. Жерине Ысык-Ата райондук, Кант жана Бишкек шаардык ӨКБдан жалпы 3 бөлүм тартылган. Өрт саат 18:28де чектөөгө алынып, саат 18:46да өчүрүлгөн.

Өрт эгинди чабуу иши жүрүп жатканда чыккан. Жалпы 20 гектар жердин 10 гектарын чабып алууга үлгүрүшкөн.

Кырсыктан жабыркагандар жок, өрттүн келип чыгуу себеби такталууда.

• Юстиция министрлигинин маалыматына караганда, «ЭлДан Аталы» агроөнөр жай комплекси» жоопкерчилиги чектелген коомунун жетекчиси жана уюштуруучусу болуп Укубаев Туратбек Галиярович көрсөтүлгөн.