Turmush — Чүй облусунун Токмок шаарында өткөн апта ичинде 2 жол кырсыгы катталып, 3 киши жабыркады.

Аймактык кабарчыга белгилүү болгондой, 18-февраль күнү Сахзавод айылындагы жолдо эки жеӊил унаа кагышып, эки адам жабыркаган. Ооруканадан алынган маалымат боюнча, алардын бири сыныктар бөлүмүнө жаткырылды.

Ошондой эле 19-февраль күнү кыргыз-казак чек ара өткөрмө пунктундагы Дунларов атындагы көпүрөдө дагы жол кырсыгы катталып, бир киши жабыркады. Дарыгерлер ал баш мээсинен жаракат алганын айтышты.