Turmush — Ысык-Көл облусунун Каракол шаарындагы Самудин Абдраимов жаңы конушунда жаңы салынып жаткан үйдүн пайдубалына ит кирип, чыга албай калган. Ал 3 күндөн бери тынымсыз жаап жаткан жамгыр алдында калгандыгын жашоочулар билдирди.

«Ушундай жаанда 3 күн, 3 түн туруш оор да. Жаныбар болсо да боор ооруйт. Кечкисин ит аткан кызматы келгенде: «Түн ичинде, коомдук жайда атууга болбойт» деп, аттырууга макул болбой койдук. Анан тийиштүү органдарга кайрылганыбыз менен чара көрүлбөдү. Ушундан улам улам зоопарк кызматкерлерине кайрылдык», — деди шаар тургуну Алтынбек Молдогазиев.

Бүгүн, 30-май күнү саат 12:30 чамасында «Бугу эне» зоопаркынын кызматкерлери итти куткарып, алып кетишти.