Turmush — Ысык-Көлдүн айрым аймактарында кар жаап жаткандыгына байланыштуу облустук ЖКККБ тарабынан түшүндүрүү иштери улантылууда, деп билдирди аймактык кабарчы.

Иш-чаралардын жүрүшүндө ЖКККБ кызматкерлери аймактарда автоунаа жолдорунун абалын текшерип, жолдорго атайын инерттик материалдарды чачуу боюнча жол тейлөө мекемелерине буйруктар берилүүдө.

Анын негизинде жолдорго инерттик материалдар чачылып, жол кырсыктарын алдын алуу иш чаралары уюштурулууда.

ЖКККБ кызматкерлери жалпы айдоочуларды жолдо жүрүү учурунда аралыкты жана жол эрежелерин так сактоого чакырат.