Turmush — Бүгүн, 28-май күнү Кызыл-Кыя шаарындагы үйдөн өрт чыкты. Бул тууралуу ӨКМден кабарлашты.

Маалыматка караганда, куткаруучуларга Н.К. таандык үйдө өрт чыгып жаткандыгы тууралуу маалымат түшкөн. Куткаруучулардын жардамы менен жалын саат 17:17де толугу менен өчүрүлдү. Электр зымдарынын кыска туташуусунан улам чыккан өрттүн аянты 24 чарчы метрге жетип, тилсиз жоонун кесепетинен 1 эшик, терезе, электр меши, 4 даана жууркан, 10 даана балка, 20 даана айырмач (стропила) жана 30 даана шифер өрттөнгөн. Бактыга жараша адам өмүрүнө зыян келген эмес.