Turmush — Кара-Көл шаардык ички иштер бөлүмүнүн кызматкерлери өспүрүмдөр арасында кылмыштуулукту алдын алуу максатында атайын рейддик иш-чараларды өткөрүштү.

Жалал-Абад ОИИБдин басма сөз кызматы билдиргендей, Кара-Көл шаарына караштуу Кетмен-Төбө айыл аймагында түнкүсүн ата-энесинин коштоосу жок жүргөндөр жана түнкү оюн клубдары текшерилип, бир топ өспүрүмдөр жана укук бузган жарандар аныкталды.

Натыйжада КР Укук бузуулар жѳнүндѳ кодексинин 127-102-74-беренелеринин негизинде милиция кызматкерлери жалпы 53 протокол түзгөн. Рейддин жүрүшүндө аймактык тескөөчүлөр тарабынан буга чейин катталган 3 уурулук фактысынын бети ачылып, кылмышка шектүү болгон жарандар тергөөгө жеткирилген.