Turmush — Чүй облусунун Сокулук районуна караштуу Жаңы-Жер айылында скрининг борборунун ачылышы өттү. Бул тууралуу аймактык кабарчыга аталган райондук мамлекеттик администрациядан билдиришти.

Маалыматка караганда, борбор оорукананын экинчи кабатында жайгашып, ал Саламаттыкты сактоо министрлиги менен макулдашуу боюнча оңдоп-түзөлдү.

Оорукананын экинчи кабаты буга чейин COVID-19 инфекциясы менен ооруган бейтаптарды кабыл алууга арналган бөлүм болгон. Эми бул бөлүм жабдылган атайын контейнерге көчүрүлөт.

Скрининг борборго 3 млн 385 миӊ 449 сомго жабдуулар орнотулду. Ал эми имаратты оңдоо иштерине 1 млн 405 миң 573 сом, эмеректерге 229 миң 642 сом жумшалды.