Turmush — Баткен облусунун Сүлүктү шаарында жаңы курулган заманбап спорт комплексинин ачылыш аземи болуп өттү, деп билдирет аймактык кабарчы.

Спорт тармагын өнүктүрүү жана спортчуларды колдоо максатында президент Садыр Жапаровдун колдоосу менен жеке фонддун эсебинен 26 млн сом акча каражаты бөлүнгөн. Ал эми жергиликтүү бюджеттин эсебинен 4 млн сом акча каражаты сарпталып, айланасына тосмо, күзөткана жана даараткана курулду.

Спорт комплекстин ачылыш аземине УКМКнын төрагасы Камчыбек Ташиев, президенттин Баткен облусундагы ыйгарым укуктуу өкүлү Абдикарим Алимбаев жана жергиликтүү тургундар катышты.

Жаңы ачылган спорт комплексте волейбол жана футбол аянтчалары, күрөш залы, жуунуучу жайлар, чечинип-кийине турган бөлмөлөр жайгашкан.