Turmush — Жайыл районунун Кара-Балта шаарында «Өлбөс полк» акциясы жүздөгөн адамдарды чогултту.

Параддын кыймылы мэриядан башталды. Катышуучулар көчөлөрдү аралап, райондук мамлекеттик администрациянын аянтына чейин басышты. Аларга жаңы колонналар кошулуп, жөө жүрүш «Жеңиш» стеласынын жанынан аяктады.

Иш-чаранын жүрүшүндө өчпөс отко гүл коюу аземи жана Улуу Жеңиштин 78 жылдыгына арналган митинг өттү.

Бул күнү Жайыл районунун жана Кара-Балта шаарынын миңдеген тургундары Улуу Ата Мекендик согушта курман болгондордун элесине таазим кылышты. Улуу Ата Мекендик согуштун катышуучуларынын балдары, неберелери жана чөбөрөлөрү — фашизмди жеңген баатырлардын портреттери менен көчөгө чыгышты.

Бүгүнкү күнгө чейин «Өлбөс полктун» хроникасына жүз миңдеген фамилиялар жазылып, алардын саны өсүүдө.

Кара-Балта шаарында Улуу Ата Мекендик согуштун ардагери Антон Шалнов менен Ленинград блокадасынын ардагери Анна Сабурова Жеңиш күнүн майрамдоого катышты.

Жайыл районунда жана Кара-Балта шаарында Улуу Ата Мекендик согуштун үч ардагери, Ленинград блокадасынын бир ардагери жана концлагердин туткунунун бир ардагери жашайт.

Улуу Ата Мекендик согуштун ардагери Антон Шалнов 86 жашта. Ал эми блокададан бошотулган Анна Сабурова 79 жашта.