Turmush — Бүгүн, 25-февралда Чүй облусундагы бардык акимдерге кызматтык унаалар берилди. Бул тууралуу аймактык кабарчыга президенттин Чүй облусундагы ыйгарым укуктуу өкүлчүлүгүнөн билдиришти.

Маалыматка караганда, унаалардын ачкычын Президенттик администрациянын уюштуруу иштери жана аймактар менен өз ара аракеттенүү бөлүмүнүн мамлекеттик инспектору Алтынбек Кутманов жана президенттин Чүй облусундагы өкүлү Нурил Алымбаев тапшырды.

Президенттин иш башкармалыгы тарабынан район жана алыскы аймактар үчүн чет элдик «Chevrolet Captiva» үлгүсүндөгү 90 унаа сатылып алынган. Анын ичинен 8 унаа Чүй облусундагы акимдерге берилди.