Turmush — Кечээ, 23-апрелде Алай районунун Гүлчө айылынын борбордук стадионунда 2500 окуучу «Манас» эпосунан үзүндү айтты.

«Урааным Манас» кароо-сынагы «Манас» эпосу жөнүндөгү 2011-жылдын 28-июнундагы мыйзамдын жана президенттин «Кыргыз элинин баа жеткис руханий мурасы — «Манас» эпосунун үчилтигин ар тараптан изилдөө жана популярдаштыруу боюнча кошумча чаралар жөнүндө» жарлыгын ишке ашыруу максатында, ошондой эле алп манасчы Саякбай Каралаевдин 130 жылдык мааракесине карата уюштурулду.

Иш-чарага район боюнча 2500 окуучу катышып, «Манас» эпосунан үзүндү айтышты. Кароо-сынакка тиешелүү кызматкерлер, мектеп мугалимдери жана «Манас» театрынынан Нурбек Талантбеков баштаган топ күбө болушту.