Turmush — Ош шаарында алдамчылыкка шектелип, изделип жаткан адам кармалды. Бул тууралуу Баткен ОИИБдин басма сөз кызматы билдирди.

Милициянын маалыматы боюнча, Лейлек районунун Сумбула айылынын тургунунун эки баш уюн мал базарда 2021-жылдын декабрь айында Ош шаарынын 58 жаштагы Б.А. аттуу тургуну 78000 сомго баалап алып, акчасын бербей качып жүргөн.

Бул факты боюнча арыздануучу 2022-жылдын 18-июнь күнү милицияга арыз менен кайрылган. Арыздын негизинде Кылмыш-жаза кодексинин 209-беренесинин (алдамчылык) негизинде кылмыш иши козголуп, кылмышка шектүү Б.А. сот жообунан качып, сотко келбей качып жүргөн.

2022-жылдын 17-октябрь күнү издөөдө жүргөн Б.А. Ош шаарынан Лейлек РИИБдин кылмыш иликтөө бөлүмүнүн ыкчам кызматкерлери тарабынан кармалып, убактылуу кармоо жайына киргизилди.

Учурда сот иштери уланууда.