Turmush — Ак-Суу районуна караштуу Теплоключенка айылында М.Мамакеев атындагы мектеп-гимназиясынын мугалимдери сармерден оюнун өткөрүштү. Бул тууралуу аймактык кабарчы билдирди.

Маалыматка караганда, сармерден 21-февраль — Эл аралык эне тил күнүнө карата уюштурулду. Анда унутта калып бара жаткан каада-салт көрсөтүлүп, жалындаган таланттар ыр-күүлөрдү аткарып, чимириле бийлеп, табышмак, жаңылмачтарды айтышты.

Иш-чарага келген Ак-Суу райондук администрациясынын башчысынын орун басары, райондук билим берүү бөлүмү жана райондук маданият бөлүмүнүн кызматкерлери мугалимдердин талантына баа берип, баалуу белектерди ыйгарышты.