Turmush — Ноокат районунда 8-март — Аялдардын эл аралык майрамына карата жана Уркуя Салиеванын жаркын элесине арналган волейбол боюнча мелдеш уюштурулду.

Мелдеш мектеп окуучулары арасында өтүп, жалпы 15 команда ат салышты. Натыйжада 1-орунду Көк-Бел, 2-орунду Бел, 3-орунду Т.Зулпуев айыл аймактарынан түзүлгөн командалар жеңүүчү аталды. Оложолуу орунга ээ болгондор Ноокат райондук билим берүү бөлүмүнүн I, II, III даражадагы дипломдору, баалуу белектер менен сыйланышты. Ал 1-орунду багындырган Көк-Бел айыл аймагынын командасына өтмө кубок тапшырылды.

«Бул иш-чара мындан ары жыл сайын уюштурулуп, окуучулардын ден соолугу чың болушуна шарт жаратуубуз зарыл» — деди Ноокат райондук билим берүү бөлүмүнүн башчысы Бакыт Козуев.

Аны менен катар Төөлөс айыл аймагынын жетекчилиги тарабынан жеңүүчүлөргө жана мыкты оюн көрсөткөн окуучуларга 10 миң сом акчалай сыйлык берилди.