Turmush — Баткен шаарынын Дөгмөн жайлоосунун Дөгмөн дарыясынын жээгине кичи ГЭС куруу үчүн жер бөлүндү. Бул тууралуу мэрия кабарлады.

Маалыматка караганда, мындай чечимди шаардык кеңештин VII чакырылышынын депутаттары 25-марттагы сессияда кабыл алышты. Анын негизинде Баткен шаарынын аймагындагы Дөгмөн жайлоосунун Дөгмөн дарыясынын жээгине кичи ГЭС куруу үчүн 1,80 гектар жерди берүүгө макулдук берилди. Кичи ГЭС куруу үчүн долбоорду жеңүүчү тарап менен келишимди түзүү мэрге жүктөлдү. Түзүлгөн келишимге жыл сайын шаардын инфраструктурасын колдоо үчүн социалдык иш-чараларды киргизүү жана социалдык буюртманы ишке ашыруу 3 жылдык мөөнөткө белгилөө жагы сунушталды.