Turmush — Тоң районундагы Ак-Сай айылынын тургуну Тегизчил Таалайбеков кой кайтарып жүргөн учурда сүлөөсүн кол салууга аракет кылган. Окуя 16-февралда болгонун аймактык кабарчыга билдирди.

«Биздин сарай Ак-Сай айылынан 3 чакырым алыста жайгашкан. Сайда койлорду көздөй сүлөөсүн кетип баратканын байкап калып, артынан кыйкырып кубаладым. Негизи бул жандык акыркы убакта койго кол салган учур көп болуп жатат.

Быйыл кошунам 3 коюн сүлөөсүн жегенин өзү көрүптүр. Негизи кекиртектен мууздап, канын соруп кетет экен», — деди Т.Таалайбеков.

Буга чейин сүлөөсүн бар деп укса, быйыл өзү көрүп жатканын айтты.