Turmush — Абдужалил Бекаев Баткен облусунун Сүлүктү шаарынын баш имам-хатиби болуп дайындалды. Мындай чечимди облус казысы Нуридин Мамасабиров кабыл алды.

Абдыжалил Бекаев буга чейин Лейлек районун баш имам-хатибинин орун басары болуп иштеп келген.

Ал 1983-жылдын 29-мартында Баткен облусуна караштуу Лейлек районунун Сүлүктү шаарында туулган.

2013-жылы Лейлек районуна караштуу Раззаков шаарындагы «Абдулло ибн Аббас» ислам инстутун аяктаган. Ошол эле жылдан баштап 2022-жылга чейин Сокулук районунда Новопавлока айыл аймагындагы Ата-Журт конушунда жайгашкан «Нур» мечитинде имам-хатиб болуп эмгектенген.

2022-жылдын аягынан баштап Лейлек районунун баш имам-хатибинин орун басары болуп иштеп келген.

Ал эки уул, эки кыздын атасы.