Turmush — Жалал-Абад облусунда 10 күндүн ичинде мас абалында унаа башкарган 69 айдоочу кармалды. Бул тууралуу Жалал-Абад облустук жол кыймылынын коопсуздугун камсыздоо бөлүмүнөн билдиришти.

Маалым болгондой, облус аймагында 4-февралдан 14-февралга чейинки аралыкта «Бахус» аталышындагы рейд өттү. Бир аптада облус аймагында жол эрежеси бузулган 3008 факты катталды.

Анын ичинен:

— мас абалда унаа башкарган 69 айдоочу;

— унаасынын терезесин мыйзамсыз караңгылаткан 6 айдоочу;

— тиешелүү документтери жок унаа башкарган 57 айдоочу;

— ылдамдыкты ашырып айдаган 901 айдоочу аныкталды.