Turmush — Талас облусунун Бакай-Ата районуна караштуу Күмүштак коругунда фотокапканга түшкөн тоо текелер аныкталды. Бул маалыматты КРдин жаратылыш ресурстары, экология жана техникалык көзөмөл министрлигинин Талас регионалдык бөлүмүнөн билдиришти.

Мамлекеттик коруктардын аймагындагы жаныбарлардын көбөйүүсүн аныктоо максатында жаратылыш койнуна камералар орнотулган. Бул жолу Бакай-Ата районуна караштуу Күмүштак коругундагы жапайы тоо текелер сүрөткө түшүп калган.